Karbonoaren tuneleko argiak piztuko al ditugu? izeneko hitzaldia eskaniko du Unai Pascual ekonomialariak datorren ostiralean, hilaren 19an, Alondegiko Oxford aretoan. Saioa euskaraz izango da.
Trantsizio sozio-ekologikoa beharrezkoa da, baina, ideia hau zertan datza? Testuinguru horretan, energia trantsizioa nola kokatu daiteke? Nola uler daitezke naturaren babesa eta klima aldaketaren kontrako ekintzen inguruko loturak? Honek zertan lagundu ahal gaitu Euskal Herrian trantsizio energetikoa aurrera eramateko? Hitzaldian galdera hauek erantzuten saiatuko da Unai Pascual.
Pascualek klima aldaketa eta bioaniztasunaren galerak ekiditeko ikerketa lanak egiten ditu Basque Centre for Climate Change ikerketa zentroan. Aurretik Cambridgeko Unibertsitateko irakaslea izan zen.