Laugarren denboraldia beteko dute gurekin. 2014an, KAE 1 ligan bigarren geratu zen Zumaia, lau bandera irabazi eta gero. San Miguel ligara igotzeko kanporaketa jokatu zuten arraunlariek Francesen lehen denboraldian, eta ez zuten igoera lortu.
2015ean ere bigarren izan zen Telmo Deun KAE 1 ligan, eta beste lau bandera irabazi zituen. Igotzeko kanporaketan ere nagusi izan zen, bi jardunalditan onena izanda, eta San Miguel ligara igo zen Zumaia.
Aurten, liga nagusian, azkena izan da, baina oso lan ona eta duina eginda. Hondarribiko estropadan, bere txandan nagusitzea ere lortu zuen Zumaiak.
Arraun Elkarteak oso balorazio ona egin du Frances eta Gonzalez de Txabarri egiten ari diren lanaz, eta biek jarraitzea oso albiste ona da Zumaiako arraunarentzat.
Frances eta Gonzalez de Txabarri ere oso pozik daude jarraitu egin behar dutelako. Zumaian, oso gustura ari dira lanean, eta bi gauza nabarmendu dituzte: arraunlarien konpromisoa, eta zuzendaritzak ematen dien babesa lanean lasai jarraitzeko.