Harrobiko arraunlarien lanak amaituta, senior mailakoen txanda heldu da; batelak eta trainerillak gorde dituzte dagoeneko klubetako lokaletan, eta itsasoan edo errioetan zehar arituko diren traineruei hautsak kentzen arituko dira. Gaur bertan Gipuzkoako txapelketak jokatuko dituzte, eta ondoren etorriko dira liga desberdinak, Kontxako bandera, eta kirol jarduera hau hain ikusgarria eta, ikusleentzako behintzat, hain erakargarriak egiten dituzten estropadak.
Betidanik izan da arraunarekiko zaletasuna Zumaian, une gozoetan, baita okerragoetan ere. Barre egiteko aukerak ere izango ziren, ez akaso benetako traineruarekin, bai, ordea, argazkian ikus daitekeen Telmo Deun bitxiarekin. Arrauna baino fueraborda popan, familia osoa, emakume zein gizon, gazte zein heldu, ageri da barrez traineru bitxi horretan. Afaltzeko arrain ederra ere harrapatu dute!
Argazki hau eta beste asko Zumaiako Fototekan ikus daitezke, hemen.
Zumaia Gukak herritarrak animatu nahi ditu etxean gordeta dituzten argazki zahar eta esanguratsu horiek hartu, eta atal honetan partekatzera. Argazkia emailez bidal daiteke–zumaia@ukt.eus– edo eskura eman daiteke – Foronda, azken solairua–.