Altxa dezala besoa bere garaian –edo gaur egun– hondartzara bazkariarekin edo afariarekin joan ez denak. Patata-tortila, entsaladak, oilasko-bularkiak... denetarik. Baina, inori okurrituko ote zitzaion hondartzan egonda txurroak jatea? Bada, bere garaian ez zen hain arrotza izango, Zumaiako Fototekan gordetako argazki hau ikusita. Bertan, bi gizonezko, adinekoa bata, gazteagoa bestea, txurroak prestatzen agertzen dira Itzurun hondartzan. Seguru norbaitek jango zituela. Txokolate beroa izango ote zuten? Hori beste kontu bat da.
Zumaia Gukak herritarrak animatu nahi ditu etxean gordeta dituzten argazki zahar eta esanguratsu horiek hartu, eta atal honetan partekatzera. Argazkia emailez bidal daiteke–zumaia@ukt.eus– edo eskura eman daiteke – Foronda, azken solairua–.