Apenas izango zen kotxerik 1932. urtean, Pascual Marin argazkilariak Narrondoko errebueltan lanean ari zen gizon kuadrilla erretratatu zuenean. Makina hondeatzailerik ez, eta esku arituko ziren mendia jaten. Irribarretsu ageri dira batzuk, kamerak nola hartuko dituen kuriositatearekin. Gazteak dira asko, helduagoak besteak, eta askok txapelak buruan dituzte. Akaso gustura hartuko zuten argazkian posatzeko unea, minutu gutxi batzuetan, segundoak agian, atseden hartuko zutela mendia higatzeko lanean.
Honako argazkia Kutxa Fundazioaren fototekan gordetzen da, hemen.