Gaur egun zeharo desberdina da Patxita Etxezarreta eremua, baina mende bat atzera eginez gero, jarduera industriala zuen, eta herrigunetik aparte zegoen.
Pascual Marinek 1920ko hamarkadan egindako argazkian, bi idi ageri dira errepidean aurrera egiten, eta atzealdean Hotel Uranga eraikina ikus daiteke. Pedro Uranga Linazasororena zen ostatu hau Patxita Etxezarreta inguruan kokatuta zegoen.
Garai hartan, auto bakan batzuk besterik ez ziren ikusten herriko errepideetan, eta zamak zein pertsonak mugitzeko abereen indarra eta gurdien joan-etorria ohikoak ziren Zumaiako bideetan .
Argazki hau Kutxa Fundazioaren Fototekan gordetzen da, zehazki, hemen .