Bideoak txiste matxisten, intimitatearen aurkako erasoen, soldata arrakalaren edota telefonoa kontrolatzearen aurka egiten du, feminismoak matxismoaren mila aurpegiak borrokatuko dituela aldarrikatuz. Ikus-entzunezkoa Tik Tok aplikazioaren bitartez egin dute, hartara, matxismoaren aurpegiak islatzen dituzten bideoak egin eta #Azaroak25challenge traolarekin partekatzera animatu nahi dituzte aplikazio horren erabiltzaileak.
Amaitzeko, azaroaren 25ean bertan mugimendu feministak deitutako mobilizazioan parte hartzera deitu dituzte zumaiarrak; 18:30ean izango da kontzentrazioa Beheko Plazan.