Preferenteak joko onarekin eta nagusitasun handiz 0-4 irabazi zion Martuteneri larunbatean jokatutako itzuleko partidan eta era honetan beste denboraldi batez Preferente mailari heldu dio. Ohorezko Jubenil taldeak, berriz, Hondarribiren aurka jeitsierako play-offeko joaneko partiduan izandako 6-3 emaitza txarra gainditu behar zuen baina konfidantzaz jokatutako partiduan 5-0 gailendu zen atzo, Ohorezko Jubenil mailari helduz.
Lehen mailako Infantil taldeak Ordiziari 3-1 irabazi zion larunbatean Aita Marin jokatutako Gipuzkuako Kopako finalerdian. Hurrengo astean Billabonaren aurka jokatuko du Finala, oraindik zehaztu gabeko futbol zelaian.
Infantil Txiki taldea Martuteneri penaltietan gailendu zitzaion, Orion jokatutako partiduan, Txapeldunen Ligako 3. postua lortuz eta era honetan Euskadiko txapelketa jokatuko du hurrengo larunbata eta igandean, Zubietan.
Infantilen bi taldeek batek finala eta besteak Euskadiko Txapelketa jokatzen dituztenean emango zaio bukaera Zumaiako Futbol Taldearen aurtengo denboraldiari.
Astebukaera pozgarria izan da Zumaiakorentzat alde batetik Preferente eta Jubenil taldeek mailari eutsi diotelako eta bestetik Lehen mailako Infantila Gipuzkoako Kopako finalerdian Ordiziari gailendu zitzaiolako eta Infantil Txiki taldeak, Txapeldunen Ligan, Martuteneri irabaziz, 3. postua lortu duelako, Euskadiko Txapelketa jokatzeko sailkatuz.
Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide