Zumaiako Futbol Taldeak antolatuta, pasa den ostiral goizean kimuen kategoriako futbol txapelketa jokatu zuten Aita Mari futbol zelaian. Bertan, eskualdeko lau klubeko taldea aritu ziren jokoan: Zarautz, Azpeitiko Lagun Onak, Zestoa eta etxeko kluba, Zumaiako.
Goiz osoan partidak jokatzen aritu ondoren, finalean Zestoak eta Zumaiako A neurtu ziren. Zestoarrak izan ziren irabazleak, zumaiarrei 4 eta 0 emaitzarekin irabazi eta gero. Hirugarren eta laugarren postuak erabakitzeko partida Lagun Onak B eta Zarautz B taldeek jokatu zuten. Partida banako berdinketarekin bukatu zen, eta penaltietan azpeitiarrak nagusitu ziren.
Klub antolatzaileak zorionak eman nahi dizkie txapelketan parte hartu zuten talde guztiei.