Baleikeko kide Gorka Zabaletak CAF-Elhuyar saria irabazi du Baleike herri-aldizkarian argitaratutako lanarengatik. Bigarren urtez jarraian irabazi du Gorkak sari hau.
Zientzia-kazetaritzen arloko saria jaso du Angel Uranga CERNeko fisikariari egindako elkarrizketagatik. Haren izenburua zen: “Ikaragarri bero zegoen zopa moduko bat zen hasieran unibertsoa”. Epaimahaiari aipagarria iruditu zaio gaurkotasunari erantzuteko egindako ahalegina, protagonista egokia aukeratzean erakutsitako zorroztasuna eta herri-aldizkari batek zientzia-gaiak zabal lantzea.
Hemen dituzue Gorka Zabaletak saria jasotzerakoan esandako hitzak.
Eta hemen irakurri dezakezue Angel Urangari egindako erreportajea.