Euskal Telebistan abian jarriko dugun Hizkamizka lehiaketan, lehiakideak behar ditugu kultura orokorreko galderei erantzuteko.
Jarraian duzue saiotik bidalitako gonbidapena.
Aukera polita duzu dirutxo bat irabazteko, programa bakoitzeko 300 euro irabaz baitaitezke.
Saio bakoitzean bi lehiakidek hartuko dute parte, eta erantzun zuzen gehien emanez puntu gehien lortzen duenak egingo du aurrera, hurrengo saio berri bat jokatzera pasatuko delarik.
Zenbat saio irabaziko dituzula uste duzu? Lau, bost, hogei…? Ba, biderketa egin eta ikusiko duzu nolako poltsatxo polita aterako zaizun.
Trivial batean egingo liratekeen galderei erantzun behar zaie:
- Zein arkitektok egin zuen Bilbao Guggenheim Museoa?
- Zein izen-abizen ditu Ken Zazpi taldeko kantariak?
- Zein udalerritan dago Bilboko aireportua?
- Nola deitzen da akerraren emea?
- Zein markarekin lotzen duzu Steve Jobs izena?
Ekainean eta uztailean hasiko gara saioak grabatzen Donostiako Miramongo estudioetan. Anima zaitez, galtzekorik ez duzu eta irabaztekoa asko izan liteke.
Saioa irabazten den bakoitzean, 200 euro jasoko ditu lehiakideak, baina azken txanpako tartea gainditzen badu, zakuan bilduta dagoen diru guztia ere eraman dezake etxera. Eta horrela saio bakoitzean 300 eurotik oso-oso gora irabaztea ere badago. Pentsa ezazu zenbait saio irabazten baditu baten batek, hori pagotxa!
Animatu baizik ez duzu. Ez da asko eskatzen duguna: zeu bezalako 18 urtetik gorakoa eta euskalduna izatea. Ez besterik. Eta ez kezkatu zaharragoa bazara, 30, 40 edo 50 urte baino gehiago baitituzu, zeren eta are estimatuago izango baitzara lehiakide bezala.
Eman zure datuak helbide honeten: hizkamizka@eitb.com
Izena
Abizena
Adina
e-posta
Telefonoa
Helbidea
Herria
Lurraldea