Urrian hasi zen berriro abian sexu aholkularitza zerbitzua. Identitatea eta orientazio sexuala, bikote harremanak, elkarbizitza, ligatzea, intimitatea, komunikazioa, sexu-grina, zeloak, zailtasun sexualak... gai horiek guztiak eta gehiago lantzeko eskaintzen du Zumaiako Udalak sexologia zerbitzua.
Azaroan, bihar, azaroak 14, 11:30etatik 13:00etara bitartean hartuko ditu aurrez aurreko kontsultak. Etzi, berriz, azaroak 15, 17:30etatik 19:30etara bitartean izango da Beheko Plazako Hogarrean. Erabateko konfidentzialtasuna bermatzen da kontsultetan, eta aurrez aurreko kontsultez gain, telefono eta e-posta bidez ere egin daitezke kontsultak (609 606 777 eta sexologiazerbitzua@zumaiakoudala.net).