Liztor asiatikoa sekulako sarraskia ari da eragiten erleen artean, ekosistema beraren iraupena arriskuan jartzeraino. Zumaian eta bere inguruetan, gainera, liztor asiatikoaren habiak agertu dira azken hilabeteotan eta kezka areagotu egin da. Gaiak pizten dituen zalantzak argitzeko, Algorri Interpretazio Zentroak hitzaldia antolatu du larunbat goizerako, 11:00etatik aurrera. Erlemundua elkarteko kide Aitor Zabala izango da hizlaria. Sarrera doan da eta komeni da aurrez izena ematea (943143100 / algorri@zumaia.net)