Bigarren itzulian jokatutako bost partidetan ez du emaitza onik lortu Bigara Pulpok eta bada bolada txarra iraultzeko garaia. Larunbatean Santoña hartuko du Lubakin (16:30ean).
Zenbait jokalari berreskuratuko ditu Pulpok eta Ion Rubio ere taldera bueltatu da, denboraldiko azken txanpan laguntzeko prest. Pulpok bederatzi puntu ditu eta bi talde atzetik sailkapenean: Romo da azkena bost punturekin eta Urdaneta dago ondoren zortzirekin.
Pulpoko gainontzeko taldeei dagokienez, jubenilek bigarren itzuliari ekingo diote lehen itzulian partidarik galdu gabe amaitu eta gero. 19:30ean jokatuko dute Lubakin, Escolapios taldearen aurka. Infantiletan, Gipuzkoako Txapelketaren lehian daude murgilduta mutilak zein neskak.