Igande goizean Algorriko harraldea garbitzeko deialdia egin du Surfrider fundazioak. Itsasbehera aprobetxatzeko, 9:30ean jarri dute hitzordua, Algorrin bertan. Parte hartu nahi dutenek eskularruak eta haitzean ibiltzeko oinetako egokiak eraman beharko dituzte. Surfriderrek ohartarazi duenez, plastiko asko dago pilatuta eta garbitzeko premia larria du Algorrik.