Zumaiako Musika eta Dantza Eskolako 70 ikaslek hartu dute parte maiatzak 1ean Oreretan ospatu den Dantzari-Txiki egunean. Bertan Beasain, Errenteria, Hernani, Iruñea, Lezo, Tolosa, Urretxu eta Zumaiako 500 dantzari bildu dira.
10:30ean dantzari guztiak elkartu eta hamaiketakoa egin ondoren desfileari irteera eman eta kalez-kale ibili ziren, 12:30ean zumardian dantzari guztiek aktuazioa izan zutelarik. Arratsaldean berriz, elkarte desberdinetan bazkaldu ondoren, dantzaldi batekin bukatu zuten festa.