Urte luzez Zumaiko Herri Eskolako atezain lanetan aritu ondoren merezitako deskantsua hartzeko parada iritsi zaio Migeli, jubilazioa alegia. Zumaiko Herri Eskola osatzen duen komunitate osoak, agurrarekin batera, eskerrik beroena eskaini nahi izan dio Migelei. Hona agurreko unean oparitutako bertsoak eta ekitaldian zehar ateratako argazkiak.
Aitamarin ez bada
Sagarbiden alai.
Lanean edo gabe
Txantxetako da gai.
Hainbat urtetan bera
Izan dugu artzain
Migel izan delako
Eskolako atezain.
Iritsi da eguna
Agur esateko
Ta egindako guztia
Zuri eskertzeko
Hartu orain denbora
Baratza zaintzeko
Eta aitona lanak
Lasai egiteko.