Gabon garaiko Zumaiako pertsonaia da Gomezago. Orain arte gure herriko imajinario kolektiboan baino ez da egon, baina laster marrazki moduan gorpuztuta ikusteko aukera izan dugu, Josu Waliñok eta Ander Hormazurik sortu eta Baleike kultur elkarteak argitaratuko duen Gomezagoren gutuna liburuan. Argitalpena azaroaren 25ean aurkeztuko da Alondegian, eta abenduaren 2an ipuin kontaketa egingo da. Baleikeko bazkideek doan jasoko dute etxean, Gabonetako opari. Azaroko Baleike aldizkarian aurkituko dituzue ipuinari buruzko azalpenak.
Liburuaren aurkezpena
Azaroak 25, asteartea, 19:00etan, Alondegiko ikasgelan (4. solairuan).
Ipuin kontaketa
Abenduak 2, asteartea, 17:30ean, haur liburutegian. 4-6 urte bitarteko haurrentzat.
Azaroko Baleike aldizkaria
Gaur arratsaldean hasiko gara bazkideei Baleike aldizkaria banatzen, eta ostiral eguerdirako kioskoan izango da eskuragarri. Gomezagoren ipuinaz gain, Josu Waliño elkarrizketatu dugu, Puntueus Fundazioaren inguruan –zuzendaria da irailetik–. Olatz Berastegi sexologia aholkularia ere elkarrizketatu dugu, Udalak martxan jarri duen zerbitzuaren harira. Eta taldean irakurtzearen plazerraz hitz egin dugu Irakurri Matteko kideekin.