Konfiantzaren Pedagogia eraldaketa pedagogikoaren

Konfiantzaren Pedagogia eraldaketa pedagogikoaren baitan, gurasoentzako “HAZI, BIZI, HEZI bizipen tailerrak” egin genituen haur hezkuntzako familien artean. Guraso eta irakasleen elkargune honetan, partaide bakoitzak hobetzeko, birmoldatzeko, hausnarketa egiteko… aukera paregabea izan genuen. 2-3 urteko haurren familiekin, atxikimenduaren eta oinarrizko asetasun beharren gaia landu genuen, 4 urtekoen tailerrean, berriz, segurtasuna, mirespena eta jakinminaren emozio-unibertsoen inguruan aritu ginen. Azkenik, 5 urtekoen tailerrean, haurren autonomia eta autoestimuaren inguruan hausnarketa bultzatzen aritu ginen. Hemen duzue familia eta eskolaren arteko elkarlana sendotzeko egindako tailerren bideoa. Ondo pasa oporrak!