AP-8ko Arroako sarbidea ez da erabilgarri egongo ostegunean eta ostiralean 02:30etik 03:30era bitartean, Donostiarako noranzkoan. Zestoa-Zumaia lotunearen sarreratik Zarauzko bidesariraino doan zatia egongo da itxita, seinaleztapen banderola berriak jarri behar dituztelako. Dena den, lotunearen irteera zabalik egongo da, baita Bilborako noranzkoa ere.
Hori hala, lanek irauten duten bitartean ibilgailuek N-634 errepidetik joan beharko dute Zarauzko lotuneraino.