Festa giroan murgilduko da Getaria bihartik datorren asteburura arte. Salbatore jaiak direla eta, inguruko bisitari ugari bertaratuko da Getariara eta gaueko ordu txikitan pertsona hauek etxera eramateko autobus zerbitzu bereziak jarri ditu Lurraldebusek.
Hala, abuztuaren 5eko, 6ko, 7ko, 8ko eta 9ko gauetan autobus zerbitzuak emango dira Zumaia, Getaria eta Zarautz artean.
Abuztuaren 5, 6, 7 eta 8an, autobusak Zumaiatik 00:30ean, 02:30ean eta 04:30ean aterako dira. Zarauztik, berriz, 01:00ean, 03:00an eta 05:00ean.
Abuztuaren 9an, ostirala, Zumaiatik honako ordutan aterako dira autobusak: 23:00etan, 00:20an, 01:20an, 03:20an eta 05:20an; Zarauztik, aldiz, 00:00etan, 00:45ean, 01:45ean, 03:45ean eta 05:45ean aterako dira busak.