1. Elikadura
Fase bakoitzean behar nutrizional ezberdinak ditu emakumeak, eta inportantea da horiei erantzutea. Horrez gain, garrantzitsua da dieta antiinflamatorioa jarraitzea.
2. Ariketa fisikoa
Orokorrean osasunarentzat oso garrantzitsua da ariketa fisikoa egitea, endorfinak askatzen direlako. Naturarekin harremana izatea ere lagungarria da, endorfinak askatzen direlako eta D bitamina eskuratzeko ere baliagarria delako.
3. Produktu menstrualak
Garrantzitsua da norbere gorputzarekin eta planetarekin jasangarriak diren produktuak aukeratzea. Tanpoiek eta konpresek toxiko asko dituzte, eta horrek flora baginalari kalte egiten dio.
4. Estresa
Kudeatzeko zailena izan daiteke estresa. Gaixotasun asko eragiten ditu; kortisola sortzen du estresak, eta ziklo
menstrualarengan ere eragin negatiboak ditu.
5. Atsedena eta loa
Errutina bat izatea da garrantzitsua. Hilerokoarekin dagoenean, emakumearen gorputzak atseden gehiago behar du,
baina garrantzitsua da ziklo osoan zehar errutina egoki bat mantentzea. Lo egitean, melatonina hormona sortzen da,
eta melatonina obulaziorako hormona garrantzitsua da.
6. Ingurune soziala eta kulturala
Norbere ingurune familiarrak, kulturalak, politikoak... denak eragiten du. Inportantea da ingurunea informatuta
egotea zikloaren inguruan; inguruan gaia zenbat eta normalizatuago egon, are hobeto.
7. Heziketa eta informazioa
Gakoa informazioan eta hezkuntzan dago. Herritar guztiei, emakumeei eta gizonei, azaldu beharko litzaieke zer den zikloa, txikitatik, ez dezaten negatiboki bizi ziklo menstruala. Konnotazio negatibo handia dauka ziklo menstrualak.