Azaroaren 11n, astelehenean, da San Martin eguna, eta festa egun horren bueltan jaiak dituzten lekuetan egun handia iritsi baino asteburu bat lehenago edota geroago ospatuko dituzte.
Getariako Askizun asteburu honetan ospatuko dituzte sanmartinak, eta besteak beste, auzoko afaria, Izer eta Alabierrekin erromeria, herri kirol jaialdia, Potx pailazoaren saioa eta txakolin dastaketa prestatu dituzte jaietarako.
Egitaraua
Bihar, ostirala.
- 21:30. Mus txapelketa.
Azaroak 9, larunbata.
- 20:30. Auzoko afaria izango dute.
- Ondoren, erromeria Izer eta Alabierrekin.
Azaroak 10, igandea.
- 12:00. Potx pailazoa.
- Jarraian, herri kirolak: Jokin Eizmendi harri jasotzailea eta Eneko Saralegi eta Joseba Otaegi aizkolariak. Trikitilariak: Enbilen Pepitak.
Azaroak 11, astelehena.
- 11:00. Meza nagusia.
- Ondoren, txakolin dastaketa.
- Gauean, Laja eta Narbaiza trikitilariak.