Urola Kosta eskualdeko arraunlari gazteek Gipuzkoako Batel Ligako zortzigarren jardunaldia izango dute jokoan bihar, larunbatarekin. Zarautz Arraunketa Elkarteak antolatu du hitzordua, eta 12:00etan hasiko dira estropadak, Orioko errioan.
Hori horrela, bertan izango dira infantil, jubenil, promesa eta absolutu mailako arraunlariak, beren klubak ordezkatzen. Getariak guztira zazpi ontzi uretaratuko ditu; Oriok, berriz, 12 ontzi aurkeztuko ditu; Zarautzen kasuan, 11 ontzi lehiatuko dira; eta azkenik, Zumaiak bost ontzi eramango ditu.