Arraun hitzorduz betetako asteburua izango dute oraingoa ere eskualdeko arraunlariek, nahiz eta eguraldiak eragina izan duen horietako batzuetan. Batelak bi egunetan jarraian jokatzekoak ziren, baina gaurko hitzordua, Oreretakoa, bertan behera utzi dute eguraldiagatik. Biharkoa, berriz, Getarian bertan jokatzekoak ziren, baina hori ere lekualdatu egingo dute, eta Legution izango da jardunaldia, 10:30etik aurrera. Getariako Arraun Elkarteak antolatuta, 10. jardunaldia jokatuko dute
Bestetik, gaur arratsaldean, 16:00etan, traineruek Pasaian (Gipuzkoa) izango dute hitzordua, San Pedroko XVII. Test Estropada jokatuko baita han.
Azkenik, Katalunian, Banyolesen, aulki mugikorreko Espainiako selekziora sartzeko hautaketa probak jokatuko dituzte larunbatean eta igandean hainbat kategoritan, eta hantxe izango da eskualdeko hainbat kirolari.