Udalhitz lan hitzarmenaren hobekuntza eskatzeko, ELA eta LAB sindikatuek biharko grebara deitu dituzte Arabako, Bizkaiko eta Gipuzkoako udal langileak. Urola Kostako Udal Elkarteko langileek bat egin dute greba deialdiarekin, eta ondorioz, murrizketak izango dira bi erakunde horiek ematen dituzten zerbitzuetan.
Honako murrizketak iragarri ditu Urola Kostako Udal Elkarteak:
- Egoitza nagusia itxita egongo da; beraz, harrera zerbitzurik, garapen agentziaren zerbitzuak… ez dute emango.
- Aiako, Zarauzko eta Zumaiako garbiguneak itxita egongo dira.
- Urteta zabortegia itxita egongo da.
Beste zerbitzu batzuetan ere eragina
Beste herri batzuetako hainbat udal zerbitzutan ere eragina izango du biharko grebak. Esate baterako, Zumaian Alondegia itxita egongo da, baita liburutegia ere, eta udalak jakinarazi du udal zerbitzuen ohiko funtzionamendurik ezingo duela bermatu.