Zumaiarrek ez zuten zorte handirik izan eta agerian geratu zen bere aurkari ia guztiak urtebete zaharragoak zirela. Hala ere, esperientzia oso positiboa izan da gaztetxoentzat eta datorren urtean berriro parte hartzeko interesarekin itzuli dira.
Espedizioan parte hartu duten bi taldeak igandera arte egon behar zuten Gaztelako herri honetan, baina sei neska larunbatean bueltatu ziren Gipuzkoako selekzioak hautatuak izan zirelako. Ez hori bakarrik: Gipuzkoak txapelketa irabazi zuen finalean Nafarroari 21-12 irabazi ondoren.
Pulpo izan zen selekzioari jokalari gehien utzi zion kluba eta garaipena erdiesteko orduan garrantzitsuak izan ziren. Gipuzkoako selekzioarekin jokatu zuten zumaiarrak Ainhoa Larrañaga, Naia Oliveri, Ane Oliveri, Jone Aguado, Leire Arrizabalaga eta Maria Amonarriz izan ziren.
Mutiletan Pulpo jokalari bat ere hautatua izan zen, Paul Yeregi. Hauek ezin izan zuten txapelketa irabazi finalean Bizkaiaren aurka 30-21 galdu ondoren.