Larunbatean eta igandean, bi jardunaldietan izan da onena Zumaiako batela. Larunbatean 9:45eko denbora egin zuten zumaiarrek, San Juan izan zen bigarren 5.95era, eta Hibaika hirugarren 8.85era. Igandean, berriro Zumaia lehen postuan, bigarren Hibaika 2 segundura eta San Juan hirugarren 18ra. Gipuzkoako Txapelketako bandera kofradiako balkoian astindu zuten gauean.
Infantil mailako neskak hirugarren izan ziren, eta promesa mailakoak laugarren. Infantil mailako mutilek Federazio Saria irabazi zuten, eta kadeteak eta jubenilak laugarren izan ziren Federazio Sarian.