Igande goizean jokatu zuten amaierako faseko azken partida Donostian. Bi taldeek zuten igoera lortzeko aukera. Zumaiarrek pattal ekin zioten partidari eta atsedenaldira 12-11 iritsi ziren atzetik. Bigarren zatian lan bikaina egin zuten defentsan, eta Alex Herrera eta Alberto Hidalgoren golekin tartea zabaldu zuten markagailuan, eta garaipenak ez zien ihes egin. Horrela, Gipuzkoako Txapelketa irabazteaz gain mailaz igotzea lortu dute.