Larunbateko estropadan 16 segundotako aldea atera zioten zumaiarrek San Juan A ontziari. Igandeko jardunaldian Hibaika B izan zen bigarren, zumaiarrekiko 19 segundora. B ontziak ere parte hartu zuen bi jardunaldietan: bietan ere bosgarren postuan sailkatu zen.
Jokatutako lau estropaden ondoren, Zumaia da sailkapenaren buruan 46 punturekin (hiru lehen postu eta hirugarren postu bat). Bigarren da San Juan A 43 punturekin, hirugarren Orio A 40 punturekin, laugarren Hibaika B 39rekin eta bosgarren Zumaia B 29rekin.
Gizonezkoei dagokionez, jubeniletan, Zumaia bosgarren izan zen bi estropadetan eta hobekuntza erakutsi zuen aurreko jardunaldiekin alderatuta. Sailkapen nagusian zazpigarren da, seigarren den San Pedrorekin 26 puntura berdinduta.