Egoera honetan San Juan Egoitzako eta eguneko zentroko langileak zeuden (baita Zarauzko eguneko zentrokoak, hura ere Eulenek kudeatzen duelako). Gerozerlan enpresak eramaten duen Otezuri zentroko langileek hitzarmen berria sinatu bazuten ere, ez zen gauza bera gertatu Zumaiako beste egoitzetan. Maiatzeko lehen egunetan hiru eguneko greba egin zuten eta ekainaren hasierarako greba mugagabea zegoen deituta. Zorionez, akordio batera heldu dira eta greba deialdia bertan behera gelditu da.