Aspaldiko ohiturari jarraituaz, San Juan sua piztuko da Alde Zaharrean, sanjuaniturrian. 22:00ak aldera izango da eta Txori Txiki Musika eta Dantza eskolako euskal dantzen ikasleak suaren bueltan arituko dira dantzan Udal txistulari bandaren musikarekin. Ez dira faltako suaren gainean egingo diren saltoak ere eta batek baino gehiagok amaitu berria duten ikasturteko apunteak ere erreko dituzte sugarretan.
Honen amaieran, 23:00ak aldera hasira, IV. Eki Festa egingo da Gernika parkean. Udako solstizioaren festa honetan ere ez da surik faltako. Horrez gain, joaldunak, antzerkia, dantza, txalaparta, bertsolariak eta sorgin salda izango dira.