Udal gobernu berriak Alkate soinua berreskuratu du sanpedrotarako. Agintariak Udal Musika Bandaren doinua lagun zutela joaten ziren udaletxetik parrokiara, San Pedro Eguneko meza nagusira. Aurreko udal gobernuak bertan behera utzi zuen kalejira labur hau, baina gobernu aldaketarekin ohitura zaharra berreskuratu da.
Luis Mari Aizpuruak honako mezua bidali digu, esanaz atzo egin zena ez zela Alkate Soinua, kalejira alai bat baizik. Hala dio:
"Jaso dudan mezuan esaten da berreskuratu egin dela San Pedro eguneko “Alkate soinua”, baina hau ez da horrela. Atzokoa kalejira alai bat besterik ez zen izan, PNVko hiru agintari elizara laguntzeko, antzinan egiten zen ohitura bat berreskuratuz. Alkate soinua bere bertsio naturalean eta niretzat onenean, txistulari bandak eta bi tronpetek osatzen dute. Azpeitiko Musika Bandako zuzendariak, Jose Mari Altunak, hamar bat txistulari eta Musika Banda erabiliz lagundu zien agitariei elizako bidean Alkate Soinuaren bere bertsioa eginaz, eta ez niri ezta beste jende askori ere ez zitzaion gustatu, Musika Bandak txistulariak jan egiten zituelako. Hala idatzi nuen egunkarian orain 40 bat urte eta polemika pixka bat sortu zen. Atzokoa kalejira bai, baina Alkate Soinua ez zen izan".
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!