Tenperatura maximoak 37 oC-ra igo daitezke kostaldean. Bero hori dela-eta, alerta laranja deitu du Jaurlaritzak. Itsasorako abisu horia dago deituta arratsalderako, 18etatik 22etara. Kostaldean haizea bat-batean eta zakar mendebal/ipar-mendebaldera aldatuko da. Haizearen norabide aldaketa kostaldean mendebaldetik ekialdera hedatuko da eta baliteke haize-boladek 60 km/h-ko abiadura gainditzea. Tenperatura 10 oC jaitsi daiteke ordubetean.
Beroaz babesteko honako gomendioak jarraitzea eskatzen du Eusko Jaurlaritzako Osasun Sailak eta Osakidetzak:
Likido gehiago edatea
• Edan ohi baino likido gehiago; batik bat, ura.
• Ez itxaron egarri izan arte edateko.
• Saihestu kafeina, alkohola edo azukre gehiegi duten edariak.
• Medikuak muga ezarri badio edan dezakezun likido-kopuruari edo diuretikoak eman badizkizu, egin kontsulta berari.
Elikadura
• Hartu janari arinak (entsaladak, gazpatxoa, barazkiak, frutak...).
Etxean
• Itxi leihoak eta jaitsi beroa jasotzen duten pertsianak.
• Aprobetxatu bero txikiagoko uneak etxea aireztatzeko eta freskatzeko.
Erabili arropa egokia
• Arropa zabala, arina eta kolore argikoa.
• Oinetako eroso eta freskoa.
Freskatu
• Oso bero bazara, dutxatu edo bainatu ur hotzarekin. Babestu eguzkitik
• Bero handieneko orduetan, ez atera kalera, beharrezkoa ez bada.
• Atera behar baduzu, estali burua eta erabili betaurrekoak.
• Saihestu eguzkia eta jarri itzaletan.
• Ez egin jarduera fisiko bizirik eta luzerik bero handieneko orduetan.
• EZ geratu inoiz eta ez utzi inoiz inor aparkatutako eta itxitako auto batean itzaletan badago ere.
Zaindu pertsona ahulenak
• Arreta berezia jarri umetxoei eta haurrei, adinekoei eta beroa eta hidrataziorik eza direla-eta larri daitezkeen gaixotasunak dituzten pertsonei, esaterako bihotzeko gaixotasunak dituztenei.