Gaur arratsaldean Andoainen jokatututako partiduan 1-0 irabazi dio Zumaiakok Zarautzi. Era honetan final laurdenak jokatzeko sailkatu da Zumaiakoren kadete mutilen taldea. Bihar, ostirala, jokatuko du partida, 12:30ean Astigarragan eta irabaziz gero, 18:30ean Berion jokatuko luke final erdia.
Kadete nesken taldeak Antigua Luberriri 4-0 irabazi dio gaur jokatutako Donosti Cup-eko Kopako final zortzirena. Bihar, ostirala, 9:30ean, Errenterian, jokatuko du final-laurdena. Irabaziz gero, 13:30ean, Donostiako Cesar Benito futbol zelaian jokatuko luke finalerdia.