18:30ean hasiko da arraun jardunaldi hau. Emakumezkoen emango diote hasiera arratsaldeari eta Zumaiak bigarren txandan hartuko du parte denboraldi honetan aurkari nagusiak izango dituen San Juan, Hibaika eta Oriorekin.
Jarraian gizonezkoen txanda izango da. Zumaia bigarren txandan izango da Getaria, Donostiarra eta Zarautzekin batera.
Historialari begirada bat botata, iaz, emakumezkoak bigarren izan ziren eta gizonezkoak bosgarren. Zumaian bertan jokatu zen txapelketa.
Duela bi urte, emakumezkoek txapelketa irabazi zuten, eta gizonezkoak zazpigarren izan ziren. Donostian izan zen orduan ere.
Datu historikoei erreparatuz, Zumaiak bost aldiz dauka irabazita Gipuzkoako txapelketa gizonezkoetan: 1981, 1983, 1984, 1985 eta 1987.
Emakumezkoek hirutan dute irabazita Gipuzkoako txapelketa: 2008an, 2010ean eta 2013an.