Ideia garbirik gabe atera da Espainia eta 10. minuturako 7-2 galtzen zihoazen. Atsedenaldirako bost goleko aldea mantendu du Alemaniak (14-9). Bigarren zatiaren hasiean antzera joan dira gauzak eta alemaniarrak aldea handitzeko gai ere izan dira (22-15). Hor etorri da espainiarren erreakzioa eta 5-1eko defentsa erabilita, aldea murrizten hasi dira. Partida amaitzeko bost minuturen faltan, gol bakarrera jaitsi dute aldea (24-23). Islandiaren aurkako partidan gertatutakoaren antzera, eta epaileen erabaki polemiko batzuk tarteko, Espainia ez da gai izan markagailuari buelta emateko eta 25-23 emaitzarekin amaitu da partida.
Kauldi Odriozolak bi gol sartu ditu gaurko norgehiagokan. Mikelek eta Anderrek ez dute golik sartu Alemaniaren aurka.
Espainiako selekzioa final-zortzirenetarako sailkatuta dago dagoeneko, bi garaipenekin (Egipto eta Venezuela) eta bi porrotekin (Islandia eta Alemania), baina gaurko emaitzaren ondoren, ezinezkoa izango dute taldeko lehen postua eskuratzea. Lehen postuan Islandia dago 8 punturekin, bigarren Norvegia 6rekin eta hirugarren eta laugarren Espainia eta Alemania, biak ere 4 punturekin. Ostiralean Norvegiaren aurka jokatuko du Espainiak.