Erloju hau Artadiko elizarako sortu zuen Benito Yereguik Usurbilen XX. mende hasieran eta azken urteotan Yeregui familiak Julio Beobiden duen etxeko jardinean egon da. Bere egoeraz jabetuta, desmuntatu eta pieza guztiak banan-banan garbitu eta berriztatu dituzte. Ordua bakarrik ez, gehitu zaizkion detaile elektronikoei esker, tenperatura eta hezetasun mailak ere adierazten ditu.
Oraindik erabat amaitu gabe dagoela dio zaharberritze lanetaz arduratu den Xabier Alvarezek, baina egin zenean bezain bitxia eta erakargarria azaltzen da dagoeneko.