Jubenil mailako espainiar selekzioak Danimarka izango du aurkari final-laurdenetan

Baleike 2015eko abuztuaren 16a
Deskargatu Info Ahotsak :

Ander Torriko, Mikel Martinez eta Kauldi Odriozola zumaiarrak partaide dituen jubenil mailako espainiar selekzioak Danimarka izango du aurkari Errusian jokatzen ari den munduko txapelketan, final-zortzirenetan Serbiari 19-25 emaitzarekin irabazi ondoren. Hiru jokalariak izan dira gaur golegile.

Bi selekzioek Qatarren egin zuten topo orain hilabete batzuk. Han bezala, Serbia eraman du partida hasierako kontrola. Lehen zatia oso parekatua izan da eta espainiar selekzioaren gol bateko aldearekin amaitu da lehen zatia (8-9). Bigarrenean defentsan hobetu dute eta nagusi izan dira gaur horiz jokatu dutenak. 

Hiru zumaiarrek jokatu dute gaur eta hirurak izan dira golegile: Mikel Martinezek eta Ander Torrikok bina gol sartu dituzte; Kauldi Odriozolak, berriz, bat.

Final-laurdenetan Tunisiari gailendu zaion Danimarka izango dute aurkari. Partida astelehenean jokatuko da, 17:30ean.

Kirola Zumaia

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide