Ostiral gauean jokatu dira bi finalaurrekoak, Bilboko Deportivon. Lehen partidan Mikel Egigurenek (iazko txapelduna) ez zuen aparteko arazorik izan Oiharani irabazteko. Lehen jokoa 12-8 irabazi zuen, eta bigarrena 12-5. Bigarren finalaurrekoan Erik mutrikuarra izan zuen aurkari Iñaki Osa Goikoetxeak. Lehen jokoa nahikoa parekatua izan zen eta 12-9 irabazi zuen Goikok. bigarrenean, ordea, zumaiarrak garbi utzi zuen ez zaiola zestan ahaztu eta 12-1 irabazi zuen. Buruz-buruko 11. txapela irabazteko aukera du bihar Goikoetxeak.