Felix Aizpuruak eta Arritxu Iribarrek egin dituzte aurkezpen eta gidari lanak gaur arratsaldean arraunlariei egin zaien harreran. Han entzundako esaldi batzuk ekarri ditugu hona:
Gontzon Enbil, kiroletako zinegotzia: "Zorionak lortu duzuenagatik; Hondarribian beldurtzen hasita daude datorren urterako"
Anjel Etxaniz, arraun elkarteko presidentea: "Ekainean esan genuen denboraldi handi batean hasieran geundela; irailean gaude eta 22 bandera lortu ditugu. Ez dut uste askok esan dezaketenik".
Unai Osa, Telmo Deuneko patroia: "Pozez zoratzen gaude denok; egia esan, erreferentziarik ez geneukan, baina sekulako estropada egin dugu. Hemendik aurrera pinganillorik gabe!"
Jagoba Uranga: "Entzun degu Zumaia ez dela erregularra, baina ikusi da beste batzuk direla txanpaina bezala: hasieran aparra baina gero...".
Mikel Uranga: "Ezin da esplikatu zer sentitzen den... Guk herriaren alde egiten dugu arraunean".
