Gas usaina sumatu bezain pronto, bezero guztiak aterarazi dituzte dendatik. Su-hiltzaileen bi kamioi etorri dira eta ertzainak ere bai. Denda goitik behera miatu dute, usainaren jatorriaren bila. Azkenean, ohartu dira bezeroek erabilgarri dauzkaten takiletako batetik zetorrela. Hura zabaldu dutenean, han agertu da pekatua: norbaitek ahaztutako haragi pusketa usteldua.
Tentsio uneak pasa ondoren, eta arriskurik ez zegoela ikusirik, umorez hartu dute gertakaria bezeroek eta langileek.