Auzoaren izena idazteko orduan irizpide argirik ez zegoela dio Udalak. Narrondo batzuetan, Narruondo bestetan. Hori dela eta, txostena eskatu zion Zumaiako Udalak Euskaltzaindiari.
Dokumentazioa aztertuta, jatorrizko izendapena Narruondo dela esana zuen lehenago Onomastika batzordeak. Orain, udaletik adierazi denez, Narrondo ere egokia dela iritzi dio Euskaltzaindiak, eta azken bi mendeetan nagusiki hori erabili dela aintzat hartuta, Narrondo lehenestea erabaki du.
Ondorioz, aurrerantzean Narrondo forma erabiliko dute Zumaiako eta Zestoako Udalek.