Arratsaldean gertatu zen lapurreta. Lantokia utzi eta furgoneta batera igotzen ari ziren pertsona batzuk aurkitu zituzten enpresako ordezkariek. Kable kopuru handi bat eta metalezko xafla batzuk falta zirela ohartzean, Ertzaintzari deitu zioten. Furgonetaren modeloaren berri ere eman zuten.
Ibilgailua Durangoko ordainlekuan gelditu zuten. Furgonetaren barruan bost lagun zeuden eta baita ustez Zumaiako enpresa horretan lapurtutako kablea eta xaflak ere. Miaketaren ondoren, bost lagunak atxilotu zituzten.