Gariren emazte Margari Murillok bultzatuta, eguerdi parean omenaldia eskaini zaie Gariri eta bertan lan egin duten guztiei. Margarik, eta une horretan tabernara inguratu diren guztiek, Unai Gijarrok eta Margarik sortutako hiru bertso abestu dituzte.
Amaieran, eta bertaratutakoen txalopean, lore erramu bana eman zaizkie Gari berari eta Goikoko langileei. Zurrumurruak egi bihurtzen badira, Goikok izango du zeinek eraman hemendik denbora batera. Garik, berriz, Ihintza taberna hartuko du datorren urtetik aurrera.
Agurra bertsotan
Goikoren ate ertzetikan naiz
barrura begira jarri
barra gaineko pintxoen festak
zentzu denak iratzarri
beren neurrira ase litezke
hainbat gose ta egarri
hain begirada adeitsu hori
tabernaren osagarri
animarentzat pizgarria da
gorputzaren gozagarri
Urdanetatik mutil gaztea
itsasoaren ertzera
erabakia hartu ondoren
lanari gogor heltzera
etorri zinan eta iritsi
maila altuan jartzera
hamar urteko zikloa orain
omen doa bukatzera
hargatik gatoz bertso pintxotan
Garikoitz zoriontzera
Familia bat osaturikan
amets ederren gisan
hori ainako gauzak gutxitan
egin litezke bizitzan
Urdanetako arnas freskoan
berdin itsasoko brisan
pauso berriak ematen segi
ilusioen gerizan
eta hemendik aurrera ere
suerterik onena izan