Kontzertuez beteta dator aurtengo Xixili Eguna

Baleike 2015eko azaroaren 12a

Santa Zezilia, Xixili era herrikoiagoan esanda, musikarien zaindaria da. Berez, azaroaren 22an ospatzen da egun hau. Orain urte batzuk arte herriko musika taldeek beraien kabuz ospatzen zuten egun hau, baina, urte batzutatik hona, Zumaiako Musika Patronatua osatzen duten talde eta erakundeek ia azaroaren amaierara arte luzatzen den egitarau bateratua antolatzen dute. 

Aurtengo egitaraua larunbatean hasiko da Zumaiako Udal Musika Bandak Saharako kanpalekuetan izandako uholdeak direla-eta laguntza eskaintzeko. Aurten, gainera, San Pedro parrokiako organoaren 125. urteurrena ospatzen da eta horren harira ere antolatu dira zenbait ekitaldi. 

Hemen duzue aurtengo Xixili Eguneko egitarua:

14, larunbata

19:00 Maria eta Josen Musika Bandaren kontzertua Xixili egunaren aitzakian

15, igandea

12:00 Aita Marin antzerkia haurrentzat: New Orleansko Cyrano.

18, asteazkena

18:30 Aita Marin Musika Eskolaren entzunaldia Xixili egunaren aitzakian

19, osteguna

19:00 Maria eta Josen Musika Eskolako Xixili Jaialdia

20, ostirala

20:30 Parrokian kontzertua: San Pedro Abesbatza eta Mª Carmen Azpeitia, organoaren 125. urteurrena

22, igandea: Xixili Eguna

11:00 Parrokian, Beheko Plaza Abesbatzarekin Meza Nagusia

24, asteartea

19:00 Oxford aretoan, eskusoinu kontzertua: Amaia Zubimendi eta Ane Urbizu

26, osteguna

20:30 Parrokian organoa ezagutzeko bisita gidatua

28, larunbata

20:30 Parrokian organo kontzertua: Santi Banda. Organoaren 125. urteurrena.

Erlazionatuak

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide