Euskal ontziolen aldeko epaia eman du Luxenburgoko epaitegiak

Luxenburgoko auzitegiak legezkotzat jo du Espainiako ontziolek -Balenciaga barne- erabiltzen zuten 'tax lease' sistema. Epai honen ondorioz, 2007 eta 2011 urte bitartean sistema honen bidez inbertitzaileek jasotako diru laguntzak ez dira itzuli beharko. Hala, 2006an hasitako salaketa, oztopo, zigor eta ebazpenen prozesu luzea azken pausora heldu da, nahiz eta Europako Batzordeak bi hilabeteko epea duen epaiaren kontrako kasazio errekurtsoa jartzeko.