Aurrekontuak modu honetan banatzen direla azaldu du Igor Iturain, Udal Elkarteko lehendakariak:
- Gobernu organo eta administrazio orokorra: 627.455,97
- Enplegu sustapena eta enpresa garapena: 996.459,63
- Hondakinak: Gaikako bilketa + sentsibilizazio: 1.506.154,61
- Hondakina: Zabortegia + GHK-ko tasak :2.936.211,20
- Euskara: 92.320,49
- Turismoaren sustapena:90.000
"Aurrekontu guzti honetatik udalek jarri beharrekoa 4.059.597,46 euro izango da, hau da, %65a; gainontzeko Udal Elkarteak lortutako baliabideen bitartez osatuko da", azaldu du Iturainek.
Datorren urterako erronkak modu honetan laburbildu ditu:
Enplegu sustapena eta enpresa garapena:
- Zortzi lagun eta arduradun baten kontratazioa herrietako lanetan laguntzeko.
- Bailarako enpresa handi, txiki eta ikastetxeekin elkarlan bideak sortu.
- Orientazio zerbitzua, ikastaroak, aholkularitza, enpresen lehiakortasuna hobetzeko programak, bideragarritasun planak, ekintzailetzat eta nazioartekotza bultzatu.
Ingurumena:
- Bost herrietako zabor bilketa zerbitzua batzea.
- Auzokonpostaren berrindartzea herriz-herri.
- Lixibitatuak jasotzeko depositua eraikitzea.
- Zarautzko garbigunearentzat kokapen berria.
- Bailarako ikastetxe guztiekin hondakinen prebentzioa eta sentsibilizazioa lantzea.
- Zabortegiaren zaintza eta zigilatze lanekin jarraitzea.
Euskara eta komunikazioa:
- Mintzalagun programaren jarraipena.
- Turismoan euskararen presentzia areagotu eta gure indargune bat bezela azaldu.
- Autonomo eta enpresa txikiekin euskararen presentzia landu.
Turismoa:
- Txakolina ibilbidea eraiki.
- Bailarako ekoizle eta jatetxe-tabernekin elkarlanean jarraitu.
- Urola Kostako Udal Elkarteko dinamizazio planaren garapena.
- Elkano500 proiektua.
- Donostia2016 proiektuan presentzia bermatu eta ekintzak antolatu elkarlanean.