Baietz ematen zuena ezezkoa izan da azkenean, eta Zumaiak ez du emakumezkoen trainerua aterako aurten.
— Zumaiako Telmo Deun (@telmodeunAE) January 10, 2016
Emakumeen arraunak azken urteotan izan duen loraldian zeresan handia izan du Telmo Deunek. Urte hauetan, dena irabazi dute: Kontxako Bandera, Euskotren Liga, Gipuzkoako Liga, txapelketak, hamaika bandera... Baina badirudi aro baten amaierara iritsi dela taldea. Trainerua osatzeko ahalegina egin dute azaroan lanera bueltatu zirenetik, baina ez da posible izan, eta aurten lehorrean egin beharko da lan gogor datorrenean trainerua berriro dagokion lekuan egon dadin.