Txakurra San Telmo ermitaren alboan dagoen labarraren ertzetik erori da eta amildegiaren erdi parean gelditu da, ez gora eta ez behera. Jabea Itzurungo hondartzara jaitsi eta labarrean gora abiatu da txakurraren bila, baina ez da animaliarengana iritsteko gai izan; okerrena, bera ere ez gora eta ez behera gelditu da, bide erdian. Erreskate zerbitzuen laguntza behar izan da biak handik ateratzeko.
Zorionez, susto bat baino ez da izan eta biak onik daude.